Восеньскі кірмаш
Асаблiвую ўвагу ў дзяржаўнай установе «Яслi-сад №46 г. Магiлёва» надзяляюць фарміраванню цікавасці і станоўчых адносін дзяцей да беларускай мовы,жаданню авалодаць ёю. У рамках правядзення беларускамоўнага дня сумесна з бацькамі выхаванцы старшай групы правялі “Восеньскі кірмаш”. Чаго толькі не было на ім: і цацкі і ласункі-усім былі падарункі!А якія духмяныя пернікі, калачы да бублічкі напякла для нашых гасцей Гаспадыня! Да музычнай забавы дзеці падрыхтавалі песні і вершы на беларускай мове, гулялі ў беларускія гульні. А бацькі актыўна прынялі ўдзел у прыгатаванні дранікаў! Правядзенне такіх мерапрыемстваў дапамагае дзецям і дарослым адчуць прыгажосць роднай мовы.
Музычны кіраўнік Астапкова Ю.П.